Ex prome minister y partner a presenta dilanti huez pa caso Babel

WILLEMSTAD – Tur atencion na Corsou awemainta tabata den Corte unda cu ex prome minister di Corsou Gerrit Schotte y su pareha Cicely vd Dijs a presenta dilanti huez awe mainta na inicio di e caso contra nan dos, conoci como caso Babel. E cargonan entre nan dos ta varia di corupcion, falsificacion y labamento di placa. Ambos acusado a opta pa uza nan derecho di keda keto, y a keda para ariba esaki durante henter e proceso, no obstante cu huez a haci nan un sin fin di pregunta riba e caso.

CARGONAN PARTICULAR

Den caso di Schotte, ta acus'e di corupcion (Corallo lo a dun'e 140 mil dollar pa cual lo a duna Corallo informacion secreto di gobierno. Tambe e cargo di falsificacion y labamento di placa unda cu ta papia di 140 mil dollar y 73 mil dollar respectivamente. Y finalmente falsificacion pa loke ta pasport diplomatico. Den caso di vd Dijs, ta wordo acusa di falsificacion di paspoort y labamento di placa. A reserva dos dia pa e caso, esta awe diaranson y diabierna awor 19 di februari.