Carera politico di Gerrit Schotte den wega den caso Babel

WILLEMSTAD – E caso Babel cu ta wordo trata awe mester caba cu rumornan rond di ex premier di Corsou Gerrit Schote. Un eventual sentencia por complica e continuacion di su ambicion politico y haci esaki hopi fastioso. Asina partner di NoticiaCla.com Caribisch Netwerk ta raporta awe mainta.

MINISTERIO PUBLICO

Ministerio Publico ta acusa Schotte di a tuma un suma di placa grandi di magnate di casino Francesco Corallo, a cambio di informacion secreto di gobierno, y metemento cu nombracion di cierto personanan den posicionnan clave. “Soborno oficial” ta con a yama esaki oficialmente. Un persona cu wordo sentencia pa e cargo aki, por wordo prohibi pa tene un posicion politico den futuro, segun articulonan 1:64 y 1:65 di Wetboek van Strafrecht.

PARLAMENTARIO OF NO

Den e caso aki, no ta solamente cu no por bira premier of minister mas, pero tampoco por bira un parlamentario mas. Den caso di un sentencia cu castigo di prison di minimal un aña, por kita e derecho di voto di Schotte y e derecho di wordo eligi (den un eleccion). Articulo 1:64 ta bisa esey.

VISION DI TUNNEL

Abogado di Schotte, Eldon ‘Peppie’ Sulvaran a yama e caso uno politicamente motiva. E ta acusa OM di ‘vision di tunnel’ y cu e 52 notificacion di MOT (meldpunt ongebruikelijke transactie) (di e transaccionnan di Corallo pa Schotte) nunca por a wordo saca segun e abogado a declara den pasado. Pa awe, ni e abogado ni Schotte kier a duna comentario. Ni Ministerio Publico no kier a duna comentario. Na mei 2014 tanto Schotte como su partner a keda deteni (Schotte 8 dia y su partner 2)

ENTRADA HUDICIAL

Na Italia, St Maarten y Corsou a scucha hopi testigo y haci entrada hudicial. Na cas di e pareha mes a haya e pasaporte diplomatico den e kluis, cu Schotte a haci aangifte di dje pasobra elo a perde. Esaki tambe ta un di e cargonan cu tin contra Schotte, esta un denuncia falso di perdida di paspoort.

REACCION MIKE FRANCO

Presidente di parlamento Mike Franco si a reacciona riba e caso bisando cu segun e, comunidad di Corsou merece e derecho riba claridad di e rumornan rond e ex premier y actual parlamentario. “Si tur e acusacionnan lo tabata trata un parlamentario di nos partido, masha tempo lo a sake for di Parlamento. Pero nos sa cu e norma y balor cerca cierto partidonan ta diferente”. Franco a bisa.

SIGUI DEN POLITICO

Pero toch Franco ta kere di lo mira e miembro di MFK despues di eleccion di 30 di september bek den Parlamento, si MFK haya asiento. Si Schotte wordo sentencia, tin chens pa apelacion y despues tambe Casacion. “Ta te ora cu tin un sentencia irrevocable, mi por wordo avisa pa Hof cu un hende mester baha di su funcion (di parlamentario)” Franco a finalisa bisando. Foto di archivo di e pareha na 2015 bayendo regie zitting.

Pa Caribisch Netwerk Autor: Anneke Polak Foto:Anneke Polak