Astec cla pa descarga e prome bapor di carga na Barcadera

BARCADERA – Awe mainta tabata un comienso di un era nobo pa e compania Aruba Stevedoring Company N.V. (ASTEC) cu a ricibi su prome clientenan di container na Barcadera. “Nos ta lanta tempran y nos ta cla pa ricibi nos prome clientenan y cuminsa descarga e prome bapor di carga” e compania a anuncia awe mainta trempan. E compania lo uza su grua nobo PACECO, mientras cu nan ta uza nan sistema nobo operacional Poseidon, cu lo maneha tur movimento riba e termina y digitalmente via un portal interactivo pa nan clientenan na e ASTEC Multi Cargo Sea Terminal – Waf di Barcadera. “Despues di a traha duro pa caba na tempo pa por ta operacional, nos por bisa cu orguyo, cu nos ta cla!” e compania a finalisa bisando riba nan pagina di Facebook awe mainta.