Plataforma pa musico mester defende nan interes den tur forma

ORANJESTAD – Dentro di 90 dia mester tin un tipo di plataforma di musico estableci na Aruba. Trabounan ta avansando y e comision instala di 3 persona mester sigui riba esaki pa por logra nan meta, cu ta entre otro inventarisa e situacion musical cu despues ta conduci na puntonan specifico musical. E ta mustra cu esaki lo mester bira un tipo di ‘sindicato’ mas structura pa musico unda cu nan tin un caminda pa bay ora cu tin asuntonan pa trata.

METANAN PRINCIPAL

Entre e metanan principal, e plataforma mester percura pa ‘derecho di musico’, regla e ‘situacion laboral’ di musico, e ‘derecho di autor’, y tambe ley cu ta proteha e musico di loke no ta corecto.

E COMISION

Miembronan di e comision ta entre otro Edwin Tromp, Robert JeanD’or y Edwina Werleman cu ta representa MUSICA. E comision a reuni recientemente cu minister di Cultura Otmar Oduber pa duna un actualisacion riba e tema aki.