Free Preview HBO & MAX Premium riba cable digital 12 pa 14 di februari

ORANJESTAD - SETAR y HBO ta contento di anuncia cu entre dianan 12 pa 14 di februari 2016 (te cu 15 di februari pa 7am) lo tin un “free preview” riba tur e canalnan di HBO & MAX Premium. Tur cliente di Cable Digital cu no tin HBO & MAX Premium ainda den nan pakete por disfruta di un weekend cu tur e canalnan aki habri completamente gratis.

HBO & MAX Premium ta consisti di diferente canal manera HBO Plus, HBO Signature, HBO Caribbean, MAX Caribbean y mas. Por wak esakinan riba canalnan 200 te cu 210 y pa clientenan cu un High Definition Box na cas por wak nan tambe riba canalnan 400 pa 410 cu un calidad mas halto di imagen y audio.

Durante e fin di siman aki, HBO & MAX Premium ta bay tin un cantidad di primicianan, incluyendo un serie nobo original di HBO cu yama “Vinyl”. E ta un serie di drama cu ta hunga den e añanan 70 na e ciudad di New York, cu ta ilustra con e mundo di musica di punk, disco y hip-hop tawata durante e tempo ey.

Sintonisa e canalnan menciona aki pa mucho mas primicia, manera “Vice”, “And So It Goes”, “Interstellar” y hopi mas. Pa mas informacion por tuma contacto cu SETAR na telefoon 525-1700.