SETAR satisfecho cu participacion activo den Aruba su Carnaval!

ORANJESTAD - Despues di un fin di siman grandioso, finalisando nos Carnaval 62 spectacular, SETAR como un di e sponsornan principal di Carnaval tabata presente na tur e actividadnan y a demostra di tin e fiesta nacional aki como uno di hopi importancia pa Aruba.

FLANELNAN BLOU BERDE

SETAR su acostumbrado flanelnan color blou berde e aña aki a “Sold Out” hopi tempran, y durante e varios actividadnan manera eleccionnan di Reina di Carnaval, Eleccion di Prins cu Panchonan, Festival di Tumba tabata presente pa entrega regalonan na tur e protagonistanan aki cu ta haci e Carnaval di Aruba realidad.

REPARTICION DI MATERIAL

Tambe durante e paradanan, di tanto San Nicolas como Playa SETAR a reparti materialnan di SETAR N.V. pa e pueblo carnavalesco. Entre otro petchi, brilnan y cadenanan colorido. Durante e Tumba Festival e publico por a anima nan cantantenan favorito cu e popular LED lights di SETAR cu a causa un efecto festivo y sublime den e publico.

ROADPIECE DI SETAR

E “roadpiece” di SETAR a participa den tur 2 e paradanan, na unda SETAR a comparti cu e pueblo carnavalesco e colornan nobo cu ta profilando banda di e logo di SETAR awor. SETAR contribuyendo cu e musiconan hoben a sponsor e steel band cu ta “New Generation Steelband Jrs”, “North Stars Steelband” y tambe “Quality Brassband” cu a participa cu e musica original aki den nos Carnaval.

KIMAMENTO DI MOMO

Dialuna, 8 di februari 2016 SETAR tawata presente na e kimamento di rey momo na Carnival Village, na San Nicolas, unda cu e representante nan di SETAR Andreina Kock y Clem van Heyningen a haci entrega di e premio na e ganador di KidzJam 2016 cu a keda den persona di Ashantee Martus mihor conoci como Princess Aphrica cu e titulo: “Show me wine”. Ashantee Martus a ricibi un cheque simbolico na un balor di 1500 florin (un parti di e cen ta bai ta na kadobon di e lugar escoge pa e ganador y e restante ta bai ta cash como ganador absoluto di KidzJam 2016).

SETAR SATISFECHO

SETAR ta sumamente satisfecho cu e reaccion di e publico en general cu a participa na cada un actividadnan di Carnaval 62 y asina tambe ta yama danki na cada un persona cu a bisti e t-shirt di SETAR y ta duna e Pueblo di Aruba un tremendo pabien cu un bunita Carnaval 62.