Gobernador a firma presupuesto 2016 di pais Aruba

ORANJESTAD – Gobernador Freddis Refunjol a firma presupuesto 2016 di pais Aruba. Esaki a keda confirma pa gabinete di Gobernador awe mainta. Esey ta nifica cu awor cu e ta firma, e ta bira un ley, cu ta pone cu gobierno por uza fondo segun cu a keda presupuesta. Awor e presupuesto ta pasa pa e colegio di supervision financiero cu na su turno lo tin cu scrutina esaki y wak si e ta cumpli segun norma y tambe segun conseho cu nan a pidi pa wordo inclui aden. Basa riba esaki, lo duna un conseho na gobierno di Reino Hulandes. No ta conoci pa NoticiaCla.com si CAFT a ricibi e ultimo version di e presupuesto awor cu e ta aproba caba. Normalmente nan tin 2 siman pa trata esaki y despues publica nan reaccion.