Huma di dump atrobe a dorna shelo na Playa

ORANJESTAD - Un biaha mas awe mainta Playa a lanta cu huma preto cortesia di Dump na Parkietenbos. Mirando e ora cu esaki tabata, mesora el a crea e reaccionan necesario di esnan cu tabata trafica riba caminda, sea pa trabou of otro caminda haciendo diligencia. E huma un biaha mas tabata diki, mahos y dunando un imagen cu ta tur cos menos saludabel. Criticanan tabata hopi tambe riba Facebook. Intento pa haya sa kico e motibo di e candela y huma tabata awe mainta, no tabata exitoso, ainda. A compronde si cu for di tempran anochi/marduga, e candela tabata cendi y cu ta awe mainta numa a tuma nota di e huma ora cu solo a sali. NOTA. E fotonan ta tuma di Facebook.