Paradanan di carnaval den weekend cu 61 detencion total

ORANJESTAD – E paradanan den fin di siman, for di esun di luz na San Nicolas te na e parada grandi diadomingo no a bay sin su problemanan. Manera cu NoticiaCla.com a raporta caba, un total di 14 detencion a tuma lugar durante y despues di e parada ey, y tabatin 3100 florin cobra na multa. Pa e parada di diasabra na San Nicolas segun vocero di polis Lito Lacle, esaki tabata mas unda cu a detene 23 persona y a cobra 3200 florin na multa. Playa tabata un poco mas na detencion, cu 25 detencion y 7700 florin cobra na multa.

CHAUFFEURNAN BURACHI

Tambe tabatin e control di unidad di motor (motorunit controle) unda cu a detene 13 chauffeur bou di influencia, y unda cu a kita 8 rijbewijs di automobilistanan di esnan cu a surpasa e limite di bebe cu cierto cantidad. E area di controle segun Lacle tabata Seroe Teishi, Pos Chiquito, Savaneta, San Nicolas y Santa Cruz. Durante e control aki, polisnan a logra test mas cu 80 chauffeur. NOTA. E foto di portada ta uno di archivo durante parada di mucha na San Nicolas di e aña aki.