- Netflix ta trahando riba documental tocante desaparicion di Natalee Holloway
- Hospital a los nan videoclip di fin di aña cu Jeon y Coro Tutti Frutti ‘Salud na bo salud!”
- Na Hulanda, partidonan D66, VVD y CDA tin te 30 di januari 2026 pa sigui cu e ronda nobo di formacion
- ATA y APA a yama barco crucero MS Renaissance bonbini durante su bishita inaugural na Aruba
- Yiu di Machado ta ricibi Premio Nobel di Paz na nomber di su mama
SMAC: KPA no por a cumpli pa cambia ora di paradanan
ORANJESTAD – KPA no kier a cambia e orario di parada na Playa diadomingo, cu a pone cu e gruponan ultimo a yega Vondellaan den scuridad. Presidente di SMAC Randy Thiel a confirma na NoticiaCla.com cu despues di a experencia e situacion di diasabra na San Nicolas (mas hende a participa cu originalmente a registra), a pidi polis pa cambia e orario di diadomingo pa cuminsa mas tempran. “Lamentablemente nos a bin tende di KPA cu no por a cumpli pa cambi’e (e orario) ayera (diadomingo)” Thiel a bisa NoticiaCla.com. Di parti di polis, Lito Lacle a mustra cu minister di husticia Arthur Dowers lo reacciona riba e parti di polis, pakico nan no por a cambia e orario manera cu SMAC a pidi.
CARNAVAL MAS CHIKITO
Segun Thiel, ora cu a papia aña pasa cu stakeholders, a bin tuma nota cu e carnaval e aña aki lo tabata bay ta mucho mas chikito cu normal. “E ora a dicidi pa cambia e ora pa 1’or, pa no tin cu sali 11’or y yega final 3’or (di atardi)” Thiel a bisa. Pa sorpresa a bin resulta diasabra cu tabatin un carnaval grandisimo na San Nicolas, y no tabatin forma pa bisa cu no tin carnaval 1’or. “E mesun anochi ora cu e gruponan a yega laat na San Nicolas, di biaha mi persona a acerca cuerpo policial na nomber di gruponan di carnaval pa toch purba hala e orario di diadomingo pa 12’or. Y ayera un biaha mas, mas tabata e sorpresa ora e carnaval a resulta di ta mas grandi cu esun di San Nicolas. “Dus eynan bo ta mira cu no tabata den nos man pa pone 1’or sino hunto cu e gruponan di aña pasa a purba cambi’e orario mirando cu e lo a bira mas chikito” Thiel a bisa. Pero polis no tabata por a cambia e orario.
VERSION DI POLIS
Di part di polis, vocero Lito Lacle a confirma na NoticiaCla.com cu tanto na San Nicolas como na Playa, e parada a sali exactamente 1’or y e ultimo grupo a drenta su final pa cuarto pa 8 anochi y na Playa e ultimo grupo a drenta 20 pa 8. Pero pa mas comentario riba e orario, Lacle no por a duna mas comentario, y a referi nos pa minister di husticia cu lo duna e comentario oficial. De hecho, e orario cu Lacle a duna di e yegada di gruponan final, ta confirma cu ambos gruponan a drenta ya ora cu tabata scur, sin cu e gruponan tabata prepara pa esey.
KEHO PUBLICO RIBA ORARIO LAAT
Riba rednan social (Face Book), gruponan tabata keha (sigur e ultimo gruponan) cu e tabata unsafe, y nada bunita pa drenta Vondellaan den scuridad sin cu tabata prepara pa esaki. Tabatin esnan cu tabata biba y para wak den Vondellaan cu tabata critica cu pa 4:45 pm ainda e parada no a ni yega nan dilanti. Pues a tarda basta prome cu esaki a sosode.
PUNTONAN DI ACUERDO ENTRE SMAC Y POLIS
Ora cu a puntra Lacle riba e acuerdo, el a comparti e 10 puntonan cu polis a acorda cu SMAC prome cu e paradanan final a sali. Esta net prome cu esun di lus na San Nicolas.
" 1. Nos no ta dirigi carnaval. Nos ta juda SMAC sac'e na ora.
2. Nos ta pone Polis pa percura pa e orden publico
3. 1 hende di SMAC pa cada grupo ta percura pa cordina (trek) e grupo.
4. Lider di grupo di e gruponan y e lider di grupo di KPA tin contact cu otro. E lider di e grupo mester ta disponibel na tur momento.
5. Representantenan di SMAC mester percura pa cera buraco.
6. Cada grupo mester tin su mesun personal di siguridad.
7. Cantantenan, bailarinanan y 2 bendedo di CD ta wordo permiti pa cana banda di e truck.
8. Vergunning di Parada di Lus ta di 20.00 pa 02.00, parada di San Nicolas 13.00 pa 19.00 y parada di Oranjestad di 13.00 pa 19.00 y mester cumpli cu e condicionnan stipula den e permiso sino KPA ta actua.
9. Lider di grupo di KPA mester comunica na e hefenan prome cu tuma un accion drastico.
10. Preventief fouilleren/ Faya Bo Haya ta conta pa tur hende inclusief participante.”
Te ey e condicionnan y acuerdo cu SMAC tabatin cu polis.
POLIS TA PUSHA CARNAVAL TOCH
Na varios momento Lacle a sigura NoticiaCla.com cu no ta polis ta esun cu ta ‘pusha’ y ‘pura’ carnaval, ya cu esey no ta nan trabou. Di otro banda, na algun ocasion por a mira polis p.e. diasabra ta ordena e carnavalistanan pa pura, mirando su holoshi. No ta conoci kico por a pasa eynan cu polis toch a opta e ora pa instrui e carnavalistanan pa ‘haci lihe pasobra tin un schedule pa tene nan mes na dje’. Di otro banda, e trabou di polis a duna un ambiente di trankilidad y seguridad rond di esnan cu tabata participa y tambe mirones. “Nos ta sinti nos mes safe”, algun mirones a declara. Por a mira un combinacion di polis den uniform reglamentario, otronan den uniform di bicicleta, mobiele eenheid, y K9. Tur pa mantene orden y trankilidad
Awa di laman Caribe ta 1,07 grado mas cayente, yerba di laman grandi ta tuma control
ORANJESTAD - Awa di laman rond di islanan Caribe caminda rifnan di coral ta encontra, ta a subi na promedio di 1,07 grado Celsius desde 1985, mientras yerbanan di laman grandi ta tuma control hopi duro y un desbalans grandi di laman den 2022 a debilita mas e recuperacion natural di e rifnan. Esaki ta sali den un raport nobo “Status and Trends of Caribbean Coral Reefs: 1970–2024” di Global Coral Reef Monitoring Network, cu ta haya sosten di organisacionnan di Naciones Uni. Temperatura di awa di laman ta subi cu un velocidad di 0,27 grado pa decada. Esaki tin relacion cu ola di calor den laman cada bez mas frecuente y mas duro, cu ta causa decoloracion masivo di coral. Den e ultiminan decadanan tabatin hopi oleada grandi di decoloracion, incluyendo den 1998, 2005 y den 2023 y 2024 atrobe. Impacto di e ultimo periodo provavelmente ta palabra subestima ainda, pasobra medicionnan di 2024 no ta completo.
DBB: Aruba ta celebra Dia Internacional di Derechonan Humano
ORANJESTAD: Riba dia 10 di december Aruba ta uni cu resto di mundo den celebracion di Dia Internacional di Derechonan Humano, conmemorando e adopcion di e Declaracion Universal di Derechonan Humano di Nacionnan Uni na 1948. Cada aña ta enfoca riba un tema specifico y e aña aki esaki ta “Nos Derechonan Esencial Diario”, resaltando con derechonan humano ta un parti esencial di nos bida diario.
Avionnan di guera mericano a bula den espacio aereo di Venezuela pa 40 minuut
CARACAS - Dos avion di combate F-18 di Merca a bula rond di Golfo di Venezuela cerca Maracaibo pa mas o menos 40 minuut, y asina a subi e tension entre e dos paisnan. E portal Miami Herald a raporta esaki diamars atardi. Diamars merdia, dos avion F-18 di Merca a bula hunto den formacion y a drenta espacio aereo di Venezuela como demostracion di poder contra regimen di Nicolas Maduro. E vuelo desafiante tabata pasa menos cu 100 milla norteoost di Maracaibo, di dos ciudad mas grandi di Venezuela. Miles di Venezolano tabata sigui e avionnan online via website di rastreo specialisa, mirando cu nan tabata bulaun patron manera dos dashi riba golfo. E avionnan a keda den espacio aereo Venezolano pa minimo 40 minuut na un altura di mas o menos 25.000 pia prome cu nan a bula norte y sali for area. E avion di combate di Merca a bula entre dos region importante pa sector energia di Venezuela: estadonan Zulia y Falcon. Lago Maracaibo, cu mas cu 5.000 milla cuadrado, ta un di e mas grandi grupo di awa fresco den continente, y ta tene rond 150 bilyon barril petroleo.
Tanki di awa nobo di WEB na Alto Vista ta oficialmente den operacion
ORANJESTAD – Dia 8 di december a tuma lugar e ‘final taking over ceremony’ pa e tanki nobo di Alto Vista. Minister encarga cu energia, Arthur Dowers, hunto cu CEO di WEB Aruba y CEO di partner di proyecto, Florida Aqua Store, a habri e cranchi principal cu ta laga e awa pasa for di e tanki pa Aruba su red di distribucion di awa. E proyecto di Tanki Alto Vista nobo ta forma parti di WEB su proyecto ‘Upgrade Aruba Water Distribution Network;’ un proyecto grandi cu ta encera renobacion di tankinan, pomp y tuberia rond nos isla, pero tambe den planta di WEB. Reemplaso di e tanki di awa tawata necesario pa por keda suministra awa di bebe di calidad den area di Noord, awor y den futuro.
75 Manager y Supervisor a certifica den tayer exclusivo di AHATA
Barco di marina hulandes Den Helder ta bin reforsa islanan ABC den Caribe
DEN HAAG - Zr. Ms. Den Helder ta regresando na e parti Caribense di Reino y ta bin reforsa e barco Zr. Ms. Groningen. E barco tabata den zona prome pa haci pruebanan den awa cayente. Despues di bishita na Norfolk y New York, e barco di suministro ta bolbe Caribe. E barco lo keda den e area un tempo mas largo pa por duna apoyo na suministro si ta necesario. Departamento di Defensa ta evalua continualmente si medida preventivo adicional ta nesesario segun desaroyonan actual. E tenshon den region na momento aki no ta representa un menasa directo pa islanan ABC.
Follow NoticiaCla
