Tormenta Bertha drentando Caribe

MIAMI – Diahuebs anochi laat, e area di presion abou a converti su mes den tormenta tropical Bertha. Manera cu NoticiaCla a presenta algun ora prome, tabata premira cu pa diahuebs anochi pa diabierna mainta esaki bira un tormenta. Bertha a nace este di e islanan di Caribe mas sureste. E tabata ubica 12.3grado Noord y 55.5 grado West. Y tabata 445 km este sur este di e isla di Barbados, moviendo direccion west nort west cu velocidad di 31 km pa ora. Islanan cu a emiti un alerta ta St Lucia, Puerto Rico, Barbados, St Vincent y Martinique.

Bertha lo pasa banda di e islanan den noord di caribe y no ta forma ningun peliger pa aruba. Mientrastanto su biento di superficie di 40 pa 45 miya pa ora, rond di e parti di circulacion, ta menazando e area di Caribe. Awacero y strena cu lamper a aumenta parti este di e centro y no obstante e desaroyo, biento fuerte lo ta afectando e grupo di islanan caribense sea diahuebs anochi pa diabierna den dia. E no ta menasa pa Aruba.