Union di Sindicatonan di Aruba cu reunion di precupacion cu Utilities

ORANJESTAD – Union di Sindicatonan di Aruba (USA) awe mainta tabatin un reunion planea cu presidente di Utilities Aruba NV Frank Hoevertz unda cu nan lo a informa nan mes riba varios asunto. “Entre nan nos ta cuestiona e nombramento di e director nobo di WEB, y pakico esaki a bay sin un solicitud habri” Coby Geerman di UEA a bisa NoticiaCla.com. Un lista di pregunta fuera di esun menciona, ta loke e sindicatonan tabatin planea pa dirigi na e presidente awe mainta.

SITUACION TENSO

Segun Geerman, e situacion ta tenso, y ta depende di e resultado di reunion cu e sindicatonan uni lo determina nan proximo pasonan. Por a sinti den nan, cu nan no ta nada contento cu e pasonan cu ta tumando lugar. Entre nan tambe tin e asunto di reduccion di tarifa, siendo cu segun e sindicatonan, no por papia ‘echt’ di un reduccion si mira e loke a sosode den pasado cu e aumentonan anterior.