Mensahe falso di APPLE cu virus ta circulando atrobe

NEW YORK – Usuarionan di APPLE ta wordo avisa pa no habri un texto falso cu ta ‘aparenta’ di a wordo manda di e compania, y ta pone cu bo ta comparti bo informacion priva. E mensahe fraudulento ta bisa nan usuarionan cu nan cuenta di APPLE a wordo suspendi y cu nan mester valida na cuenta di iTunes pa evita suspension di esaki.

ENGAÑO

E ultimo ‘engaño’ aki a wordo anuncia net prome cu e ultimo conferencia di prensa di APPLE unda cu e compania ta planea pa desvela nan iPhone y iPad nobo. E webadres ta distingui usando un link mas chikito cu e ta aparenta cu e ta bisa ‘iTunes. Ta wordo pidi pa no habri e link, pasobra e ta contene un virus grandi. Mester delete e mensahe aki mesora.