Lopez a vota contra reapertura refineria pa inconsistencia di gobierno

ORANJESTAD – Presidente di Parlamento Marisol Lopez Tromp a vota contra dos mocion basa riba reapertura di e refineria, y pro e mocion di desconfiansa contra su propio minister diaranson marduga durante tratamento di presupuesto. Lopez a mustra pa cuminsa riba e parti di reapertura, cu gobierno no ta consecuente cu su maneho. Mientras cu e reapertura enberdad ta genera trabou y entrada pa Aruba, e ta bay contra e maneho di gobierno cu kier bay ‘green’. “Nos no ta consistente” Lopez a bisa, refiriendo cu gobierno kier a bay den un otro direccion cu no ta refineria, sino bay green y proteha nos medio ambiente.

PUNTONAN IMPORTANTE

Segun Lopez, e puntonan aki tabata asina importante cu e mesun minister ta para p'e, y den presupuesto a sostene. Lopez sinembargo a yam’e ‘ironia di bida cu ta para den sala di Parlamento y ta bisa cu ta preocupa cu salud di muchanan ora cu tin problema cu asbesto ora cu ta na Playa, pero ora cu na San Nicolas tin huma toxicante bin riba e districto y afecta salud di e hendenan y e ora si e ta bon.

CONSISTENTE

Berdad cu (e ta referi su tempo como minister) ni maske con bunita e beach na San Nicolas ta, pero ora inversionistanan mira e pipanan y e refineria, nan no kier bin cu un proyecto hotelero. Como tal Lopez a basa su mes riba e puntonan pakico e no ta sostene e mocionnan riba e reapertura di e refineria. “Mi kier ta consistente pero consciente alavez pa e parti financiero, pero no mi por sintimi bon pa apoya algo cu toch mi ta kere cu e mocion aki cu lo tast aan directamente e salud di nos hendenan” Lopez a bisa.