E miho chef na mundo haya morto den su cas

CRISSIER - Chef Benoit Violier, cual restaurant suizo a keda corona como e miho na mundo na december, a wordo haya morto diadomingo na su cas den loke ta parse un caso di suicidio. Violier (44) tabata maneha Restaurant De L'Hotel De Ville Crissier-Suisse, di tres strea Michelin. (E distincion di mas halto segun criteria di Michelin). Na december e prestigioso instancia Frances La Liste a establece e restaurant como esun miho di mundo y Violier a acepta e premio di e ministerio Frances.

MORTO Pa loke ta e investigacion inicial, ta parse cu e suicidio tabata pa medio di un tiro di revolver. Mas informacion autoridadnan no kier a duna como respet na e famia.

SHOCK

Mayoria di su coleganan culinario mundial tabata den shock total y no por a kere e noticia. Coleganan chef cu tambe a yega di haya premio Michelin, a elogia Violier como un chef inmenso. Violier, inicialmente Frances, a tuma e ciudadania Suizo, a tuma e restaurant over na 2012 di su mentor y gigante den cushina Philllipe Rochat. Rochat mes a muri na july ultimo a consecuencia di un accidente di bicicleta. Violier tabata conoci pa su talento como cazador, y su menu nan hopi biaha (370 dollar pa tayo) tabata refleha esaki.