Lighting parada chikito, menos luhoso pero hopi ambiente

ORANJESTAD - Aruba a disfruta di un otro Lighting Parade, aunke chikito den tamaño y menos luhoso pero grandi den ambiente. E parada a cuminsa algo despues di 8'or cu 8 grupo y mas of menos 2.000 participante. Durante e parada tabatin algun problema aki aya, manera speaker cu a kima y cu a causa tardansa basta largo, y aki aya algun problema mas tecnico. Segun polis a splica NoticiaCla.com, compara cu normal tabatin menos persona burachi durante e parada pues nan a considera cu 'durante' parada cos a bay relativamente trankil cu sigur tabata welcome. Pa cortico cu e parada tabata, el a tarda basta pa yega, mirando e distancia 'extra'  y e tardansanan menciona. No obstante esey, polis tabatin planea pa e cabes di parada yega Banco di Caribe (eindpunt) pa 12'or y mei, y e ultimo grupo drenta 2:30am. ya caba for di veld di Cricket, polis a cuminsa kibra e parada pa esaki termina mas tempran. Na tur, tanto esnan na banda como esnan den e parada a pasa bon. SMAC por conta riba dos dia di bon organisacion cu un Jouvert Morning exitoso y tambe un Lighting Parade cu a cana basta bon. Pa loke ta musica, e comentarionan sigur tabata cu e banda N'Fusion ta esun cu a score te awor y cu nan lo mester tin e roadjam di e aña aki, cu ta 'Inside the thing'.