Docternan infecta cu virus Ebola na caminda pa Merca

ATLANTA – E miedo a cuminsa ora cu noticia a plama diahuebs cu un jet priva di distancia largo a bandona Merca e mesun atardi, rumbo pa Liberia, Africa, pa evacua dos docter mericano infecta cu e virus. Twitter a explota cu pregunta riba e virus, cu segun World Health Organization, a mata centenares den 4 pais na Africa. Cu e yegada di e dos docternan, tin miedo cu Ebola por plama na Merca y tur e consecuencia cu esaki por tin.

E docternan mes ta Kent Brantly y Nancy Writebol, y nan ta poni pa yega Atlanta unda cu nan lo tin cu keda interna. No tabata conoci ki dia e mericanonan lo tabata poni pa bolbe Merca. Por lo menos uno lo wordo transporta pa e hospital na Emory University, banda di e Centro pa Control y Prevencion di Malesa Contagioso . Nan lo wordo isola na nan yegada. Y cu e regreso di Brantly y Writebol pa Merca, lo ta prome biaha cu pashentnan diagnostica cu Ebola lo ta riba teritorio mericano.