Lopez: Ta continua trata presupuesto 2016 dialuna

ORANJESTAD - Dialuna Parlamento ta continua cu tratamento di presupuesto 2016. Esaki a keda confirma pa presidente di Parlamento Marisol Lopez Tromp na NoticiaCla.com diabierna atardi. Manera ta conoci, tin un deadline di College Aruba Financieel Toezicht pa termina esaki pa 31 di januari 2016. Manera por a lesa den un articulo adhunto awe riba NoticiaCla.com, CAFT no tin problema pa extende e deadline pa algo mas leu den siman, contal cu e finalisa pa fin di otro siman si. Parlamento di otro banda tin un otro idea riba esaki, y lo termina e presupuesto ora cu nan ta cla cu ne. E ultimo minister pa papia diabierna tabata prome minister Eman. Ta continua e tratamento dialuna ora cu mas sigur lo cuminsa cu e di dos tanda y ta spera cu mei mei di siman, lo por termina e tratamento e ora.