Schippers: Aruba, Corsou y St Maarten tin cu haci mas pa bringa Zika

DEN HAAG – Aruba, Corsou y St Maarten tin cu haci mas esfuerso pa combati e virus di Zika. Asina Minister Hulandes di Salubridad, Edith Schippers a recomenda diabierna. “Nos ta trahando duro riba un implementacion di International Health Regulations. Riba islanan BES nos a logra esey. Pero e otro islanan mester echt haci lihe,” Schippers a bisa. Esaki ta contradeci palabra di Minister Arubano Alex Schwengle, cu a bisa e siman aki ainda cu Aruba ta haciendo tur cos pa combati e virus. Awe mainta Departamento di Salud di Aruba tin un conferencia di prensa riba e tema di Zika. Te cu ayera, nan a sigura NoticiaCla.com cu ainda no tin ningun caso di Zika riba e isla. Corsou di otro banda, tin su prome caso local y tambe uno importa. Mescos cu tur otro conseho, Schippers a conseha awe mainta (prome cu e drenta Conseho di Minister) cu no mester biaha pa e region aki si bo ta na estado, y si toch bo mester, tuma e precaucion necesario.