Area di presion por bira tormenta "Bertha" diabierna

ORANJESTAD – E area di presion abou situa 350 miya este sur este di Barbados, lo pasa banda di e islanan den noord di caribe y no ta forma ningun peliger pa aruba. Mientrastanto su biento di superficie di 40 pa 45 miya pa ora, rond di e parti di circulacion, ta menazando e area di Caribe. National Hurricane Center ta vigilando e sistema aki pa varios dia y ta premira cu dentro di e proximo oranan e por bira un tormenta cu nomber. Si esey bira e caso, e lo haya e nomber di Bertha. Awacero y strena cu lamper a aumenta parti este di e centro y no obstante e desaroyo, biento fuerte lo ta afectando e grupo di islanan caribense sea diahuebs anochi pa diabierna den dia. E chens di formacion den un tormenta, e proximo 2 dianan ta 80%.