Hooyboer: Kier claridad otro siman riba asunto di rector Colegio Arubano

ORANJESTAD - Otro siman mas tarda, Minister di Enseñansa Michelle Hooyboer Winklaar, lo tene otro siman un reunion cu e 'Raad van Toezicht' di SMOA, cu ta maneha Colegio Arubano riba e situacion rond di e rector actual Hans Timmermans. E mandatario a wordo notifica door di diferente 'stakeholders' den enseñansa, como tambe door di docentenan y mayornan preocupa riba e ausencia largo di Timmermans, pero no a ricibi notificacion oficial for di SMOA riba e situacion aki. P'esey Hooyboer ta hay'e na su luga, pa yama e miembronan di 'Raad van Toezicht' di SMOA pa un reunion urgente, pa asina por clarifica e situacion rond di e rector actual di Colegio Arubano, cu desde december 2015 no a bolbe Aruba. Hooyboer ta spera, cu durante e reunion por bin claridad riba e situacion y cu tambe SMOA por bin cu plannan concreto pa e situacion cu a surgi, sin cu esaki ta perhudica e organisacion, pero primordialmente e alumnonan.