Candela riba pier ta destrui tres boto na St Maarten

SIMPSON BAY—Un catamaran di 45 pia, un boto tipo cigarette of 'go fast' y un otro yate a keda destrui diaranson pa un candela grandi, causa pa un leak di gasoline. E doño di boto na Simpson Bay Lagoon tabata traha riba dje ora cu e candela a cuminsa, y a pone cu e candela a plama rapidamente pa e otro dos botonan menciona. Nan tabata mara banda di otro dilanti di e Universidad Americano di Ciencia Integra na Cole Bay. E piernan ta di e famia Erato.

KICO A SOSODE

Segun e corant di St Maarten Daily Herald ta raporta, un invididuo yama Marc Belege tabata trata di saca e tanki di gasoline for di su boto pasobra e tabatin un lek. Su boto tabata mei mei di e otro botonan. E lo a caba di corta e parti di e boto pa e por a saca e tanki, y tabata transporta e gasoline pa un otro container ora cu un chispa a causa e candela pa cuminsa, aunke cu e aparato pa corta e dek, tabata paga. Belege mes a keda herida, y a bula na awa mesora, spanta pa un posibel explosion. Un boto a recohe Belege despues for di den awa. E candela mes cu a cuminsa 4:30pm a dura un ora prome cu bomberonan por a domina e candela. Fuera di Belege, no tabatin otro personanan herida.