Corsou tin su prome caso local di virus Zika

WILLEMSTAD – Corsou tin su prome caso local confirma di virus di Zika. Asina e portal Persbureau Curacao ta raporta awe mainta. Esaki ta net un siman, despues cu e prome caso di Zika importa a keda registra riba e isla. E diferencia ta pues, cu e persona ‘nobo’, a contrae e virus na Corsou mes. Departamento di Salud di Corsou ta alerta cu hendenan mester proteha nan mes contra di e sangura cu ta carga e virus. Tambe ta pidi pa tene cuenta cu e cura, pa no tin criadero di muskita. Contrario na e informacion di siman pasa, un docter di cas por manda un caso sospechoso mesora pa laboratorio pa conduci e pruebanan necesario. Na Aruba ainda, oficialmente, no a registra ningun caso importa ni local di e virus. A priminti ayera ainda cu lo informa riba e situacion di e virus na Aruba.