Tratamento di presupuesto 2016 a cuminsa den Parlamento

ORANJESTAD – Tratamento di presupuesto 2016, a cuminsa diamars mainta cu un retraso di un ora. Actividadnan di celebracion di dia di douane, a causa retraso pa Minister di Finanza Angel Bermudez. E reunion mes a cuminsa sin otro problema, aparte di un punto di orden inicial di lider di fraccion di MEP, Evelyn Wever Croes, cu kier tende mas riba e asunto di carta di retiro di Minister Otmar Oduber, y pakico no a pone cierto documentonan importante ter inzage. E Presidente di Parlamento Marisol Lopez Tromp, a sigura cu tur esaki lo keda regla.

ORADOR

Prome orado tabata parlamentario Chris Dammers, cu a haci preguntanan entre otro riba e asunto di boramento pa gas y un 'update' riba e negoshacionnan cu CITGO, pa cu reapertura di refineria di Aruba. Cada orador registra, tabatin 40 minuut pa papia den e prome tanda, y e di dos tanda 20 minuut. E lista completo di orado, no tabata conoci awe mainta pa NoticiaCla.com. E intencion ta, cu lo trata e reunion aki pa e proximo dianan, cu e intencion pa completa esaki prome cu dia 31 di januari.