Hulanda ta manda ayudo pa Islanan BES relaciona cu virus Zika

BILTHOVEN - Rijksinstituut voor Volksgezondheid en Milieu (RIVM), ta bay asisti islanan BES activamente, cu e problema di e virus ZIKA. Asina profesor dr. J.T. van Dissel, director di e RIVM-Centrum Infectieziektebestrijding a confirma. Mirando cu e islanan aki ta pertenece na Reino Hulandes y ta den un zona climatologico cu e muskitanan aedes ta hopi comun, tabata necesario pa tuma e paso aki. “Mientrastanto nos a manda material caba, cu por percura pa un diagnostico liher di e virus di Zika eynan,” un internista, Jaap van Dissel a bisa. Te cu weekend pasa, Hulanda mes a haya 12 persona infecta cu e virus, y tur ta hendenan, cu a bishita e areanan afecta manera Surnam. Despues cu e centro pa control di malesa contagioso a emiti nan alerta di biahe, RIVM tambe a haci mescos.