En conexion cu celebracion di “Dia di Betico” no tin sorteo di Lotto dialuna

ORANJESTAD - Lotto ta anuncia cu dialuna dia 25 di januari proximo, nos oficina situa na San Nicolaas y Playa lo ta cera. Lo no tin e sorteo regular di Lotto na Telearuba ni Merdia y ni Anochi! Ta bon pa nos clientenan fiel tene bon cuenta cu e cambio aki. Lotto cu hopi orguyo, ta observando riba e dia aki e fecha di nacemento di Libertador Gilberto Francois “Betico” Croes, un dia di fiesta oficial pa nos pais. Tur sorteo lo sigui normal riba diamars 26 di januari, 2016. Lotto ta desea comunidad di Aruba un Feliz Dia di Betico. 

WEGANAN DI LOTTO

Lotto, e loteria di Aruba tin ocho diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.