Asamblea Nacional a blokia decreto economico presidencial diabierna

CARACAS – Mayoria di Asamblea Nacional di Venezuela 107 vs 53, a vota contra e decreto economico presidencial diabierna atardi, frustrando e intencion di e presidente di e pais Nicolas Maduro, pa goberna manera cu e kier pa dos luna pa ‘salba e pais’ di un crisis economico. Esaki ta un di e prome indicacion, cu e presidente a haya awe di kico ta sper'e den e proximo periodo, unda cu no ta asina facil mas pa implementa medidanan cu e kier. E lista di medida (por lesa e medidanan aki) ta 10 den total y ta duna e presidente un autoridad basta amplio, pa haci y deshaci durante dos luna di tempo. Pero for di 6 di december ultimo cu a vota pa un mayoria opositor, e mayoria cu a sinta dia 5 di januari ultimo, a mustra diabierna cu nan ta determina pa para e forma con e presidente ta goberna.