Huez: Gobierno a mishi cu derecho di estado y frustra husticia

ORANJESTAD – Gobierno a mishi cu derecho di estado y frustra husticia. Asina un hues a dicta e siman aki den un sentencia temporal contra Gobierno di Aruba. Ta trata di otro caso di un grupo di habitante di Saliña Cerca ( 5 habitante) cu, mescos cu caso di grupo Preserva Malmok, a protesta contra un cambio di destinacion di tereno pa un otro ciudadano cu kier a haci cambio na  Saliña Cerca. E sentencia a cai diahuebs, unda cu hues ta bati riba dede di Gobierno y ta mustra cu el a actua incorecto pa un di dos biaha den un tempo corto. Mescos cu e sentencia di e caso anterior, aki tambe e huez a prohibi Gobierno pa trece cambio di destinacion di un tereno, pendiente un sentencia final.

ARGUMENTACION DI HUEZ

Interesante den e caso aki ta, e argumentacion cu huez a uza, basando su mes riba e loke cu Gobierno a haci recientemente. A basicamente uza e sentencia aki, pa mustra Gobierno riba su acto incorecto anterior, y no a basila pa uza terminonan basta fuerte pa ilustra su punto.

GOBIERNO A BOLBE ACTUA ROBEZ

Manera ta conoci, y cu a resulta cu acto di Gobierno den un reciente caso, Gobierno a actua di e mesun forma, y en bes di ,-manera cualkier bon gobernacion lo haci den un caso asina, of tin suppose di haci -, esta warda un sentencia riba termino corto, haci algo cu ta prohibi pa corte. Ta trata aki tambe di cambia un destinacion residencial pa uno comercial, cu manera e otro caso a wordo prohibi, a wordo permiti atrobe pa Gobierno. Como tal huez a bolbe prohibi Gobierno pa continua cu e practica aki y impone un multa di 25 mil florin pa dia te maximo di 10 miyon florin, si no cumpli cu e sentencia aki. Lesa e sentencia aki