Pago atrasa di gobierno afectando comercio di Aruba

ORANJESTAD - Situacion financiero preocupante di gobierno ta sigui afecta circulacion di placa den nos economia. Esaki segun Camara di Comercio. Esaki a traves di e tardanza den pago na creditonan di gobierno, cu na su turno ta afecta tambe pago di nan creditornan. E ley di emergencia aproba recientemente pa autorisa fianza pa un suma di Afl. 339 miyon, pa cubri necesidad financiero di gobierno pa 2014, a habri e posibilidad pa haya fondo adicional pronto. Esaki por trece alivio pa sector priva.

Tambe por observa cu mayoria di e proyectonan grand¡ (PPP) cu a ser anuncia, no ta den fase di ehecucion ainda. Por lo tanto no lo mira un 'spin off di esakinan, cu estimulo di empleo y poder di compra den economia. Tampoco esaki ta yuda pa aumenta entrada di gobierno, cu ta haya un cierto parti di e crecemento economico den forma di mas impuesto. Esaki por tin como consecuencia cu mester revisa e expectativanan pa e aña aki di e crecemento economico.

Banco Central di Aruba tabata spera un crecemento di 3% nominal di Producto lnterno Bruto (PlB, GDP) pa 2014. Den su evaluacion reciente, Fitch Ratings ta mantene expectativa di un crecemento di 2,6 0/o real. No ta bisa si esaki ta teniendo cuenta of no cu ehecucion di e proyectonan PPP. Di tur manera, pone un fin na e incertidumbre encuanto presupuesto 2014 ta parce primordial pa restablece confianza den economia.