Grupo Sueco ABBA reuni pa un rato atrobe

FOTO'S – Tur cuater miembro di e grupo Sueco ABBA a bin hunto diaranson anochi na Stockholm (Suecia), pa apertura di un proyecto nobo di un di e miembronan Björn Ulvaeus. Tabata prome biaha desde 2008 cu Benny Andersson, Anni-Frid Lyngstad, Agnetha Fältskog y Björn Ulvaeus a bin hunto segun e corant The Local. Ulvaeus a laga sa anteriormente den prensa Sueco, cu su tres coleganan tabata invita pa apertura di su taverna Griego, inspira pa e musical MAMA MIA. Pero no tabata sigur si nan lo a presenta.

TUR A APARECE

Te na ultimo mester a warda e momento aki, y pa 7’or ora local, tur 4 miembro a aparece riba e tapijt blauw. Mes momento Ulvaes a bisa si cu un re-union di e banda ta hopi improbabel. E otronan no a bisa nada al respecto. Esnan presente mientrastanto, a haya un show den forma di un musical cu textonan na ingles y sueco di ABBA. E grupo a haya fama na comienso di añanan 70, ora cu nan a gana e Eurosong Festival cu e cancion Waterloo na 1974.