Catochi Merdia a entrega premio di 16.000 florin

ORANJESTAD -  E fiel hungado, Sr. Albertico M., a pasa busca su check cu e la gana cu Catochi Merdia, na Oficina principal di Lotto. El a gana e bunita suma di 16.000 florin na Indio Stewart Lottery San Nicolas, hungando e sorteo di Catochi Merdia. Su numbernan ganado tabata cu Last 3, esta *866. Lotto ta felicita Albertico cu e tremendo suma cu e la gana cu Catochi Merdia. Catochi Merdia ta hunga tur merdia pa 2:30 pm, di dialuna pa diasabra, y diadomingo pa 2:00 pm. Anochi tambe tin sorteo di Catochi, brindando bo asina otro chens pa gana, di dialuna pa diasabra, pa 9:00 pm, na Telearuba. Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.