SETAR cu premio special pa e muchanan cantante

ORANJESTAD - SETAR ta un di e sostenedornan grandi di Aruba su Carnaval y como tal ta dispuesto pa den Carnaval 62 stimula mas hopi muchanan y hobennan di Aruba, pa demostra nan talentonan musical den nos fiesta nacional. Ta nos muchanan y e hobennan ta e futuro di nos dushi Carnaval, p'esey SETAR como estimulo pa promove canticanan di Carnaval canta door di nos talentonan infantil y hubenil, a bin cu e idea pa tur mucha y hoben cu participa na e competencia pa Calypso y Roadmarch Infantil y Hubenil, cu a tuma lugar dia 10 di januari ultimo, haya promocion extra pa nan canticanan cu nan a presenta.

Tur participante di e Calypso & Roadmarch Infantil y Hubenil 2016, lo competi pa un premio cu SETAR ta bai ofrece pa e cantica of "KIDZJAM 2016". E premio lo ta Afl. 1.500 pa e cantante cu mas voto di SMS y Social Media hunto sea e ta infantil como hubenil. E premio lo keda duna den un parti riba un cuenta di spaar y tambe na producto.

Henter pueblo di Aruba por vota via SMS gratis, mandando e letter K cu e number di e cantante via un celular di SETAR. Cada Telefon celular por vota un solo biaha pa un solo candidato, es decir por participa solamente un biaha na e votacion via celular.

Votacion via SMS a habri awe diaranzon dia 20 di januari 2016 2:00 pm y lo cera diadomingo 7 di februari 2016 6:00 pm.

Por manda e palabra K (=Kids) y e number di e cantante. Aki nan ta segun registracion oficial na SETAR.

K1= Zoe Boekhoudt- Queen Zoe

K2= Kailey Robles- Queen Fantasy

K3= Lacey Albus- Dancing Princess

K4= Ayshelyn Trimon- Queen Tutsie

K5= Ashantee Martus- Princess Aphrica

K6= Rakesh Persaud- Mighty Rak

K7= Sergio Luis Garcia- Mighty Power

K8= Reanne Ras- Princess Reanne

K9= Quanisha Sampson- Queen Quani

K10= Zaylee Ridderstaat- Dazzling Zay

K11= Ivy-anne Bryson- Queen Ivy

K12= Emely Thode- Princess Emy

K13= Xenon Daal- Talent Xenon

K14= Sharicia Hasham- Lady Sha

K15= Izellah Ruiz- Queen Izzi

K16= Maykxyon Maduro- Mighthy Maykx

K17= Ashmira Gario- Dancin' Diamond

Pa vota ta manda e palabra K1, K2 te cu K17 depende riba ken bo kier vota pa e shortcode 250 cu ta gratis. Votacion via Social Media tambe lo ta posibel pronto. Mas detaye di esaki lo anuncia despues.