Warda Costa Corsou evaluando paro di intercepcion di droga

WILLEMSTAD – E chens ta grandi, cu miembronan di Warda Costa di Corsou, e siman aki lo no conduci intercepcion di droga mas. Nan ta rabia riba Minister di Husticia di e isla, Nelson Navarro. El a yama Warda Costa na Corsou pa ‘criminalnan cu tin relacionnan cu e mundo baho’.”Si ta asina, y e appelnan putri t'ey ainda, e ora ta bira peligroso pa e miembronan integro di Warda Costa pa por traha,” un miembro di e sindicato cu ta representa e trahadonan, a bisa. E ta exigi awor cu e minister saca e miembronan ‘sospechoso’ di e Warda Costa mas lihe cu ta posibel. Y si esey no por “tur hende tin cu keda paden”.

ARMA

Motibo di e pelea ta, e deseo di e sindicato pa laga e miembronan di Warda Costa carga arma tambe despues di ora di trabou. Nan no ta sinti nan mes sigur y ta bisa te hasta di a wordo menasa, pa criminalnan cu ta core nan tras despues di ora di trabou. E arma reglamentario actual ta propiedad di Ministerio di Defensa y nan no ta dunanan pa bay cas ora cu trabou caba. Como tal Navarro a dicidi pa cumpra propio arma pa Warda Costa. E intencion ta pa cambianan awor cu e arma di Ministerio di Defensa.

CRIMINALIDAD Y DROGA

Awor ta parce cu e mandatario kier revoca e decision ey. Aña pasa tabatin un gran cantidad di incidente cu droga, unda cu miembronan di Warda Costa tabata envolvi. E presentimento ta cu tin hopi mas hende envolvi den crimen cu droga. "Bo no kier mira bo arma cerca esnan cu bo ta bringando,” Navarro a bisa. Esey tabata su motivacion pa revoca su decision. Si posponemento ta bira cancelacion no ta sigur. Tabatin tres interumpcion di trabou e siman aki caba y nan no tin pensa di baha cabez.

SITUACION NA ARUBA

Aki na Aruba e situacion cu Warda Costa ta diferente. E hefe na Aruba Randy Paskel conoce e situacion. “Si mi ta 'op de hoogte' cu cosnan ta tenso na Corsou cu colegas di Kustwacht,” Paskel a confirma pa NoticiaCla.com. Mes momento el a sigura cu aki si e situacion no ta mescos. “Aki nos no ta mira motibo pa ta arma na cas. E situacion na Corsou ta cu nan ta trahando normal,” Paskel a sigui bisa.

Colaboracion pa Warda Costa Corsou ta di Dick Drayer/NOS . Foto Dick Drayer