Hues Comisario ta dicta sentencia diabierna riba detencion Jamaloodin y dos Santos

WILLEMSTAD – Hues Comisario lo dicta sentencia diabierna merdia si ta libera George Jamaloodin y Robbie dos Santos for di nan detencion preventivo. E caso cu abogadonan di e dos personanan a entama a tuma lugar diahuebs mainta, conforme articulo 91 di e codigo di procedimento penal. Hues comisario a tende e puntonan di tanto e abogadonan como di Ministerio Publico, y lo tuma pues su decision diabierna. Mientrastanto, tanto Jamaloodin como dos Santos ta keda sera. Mes momento a confirma cu a prolonga detencion di dos Santos tambe cu 8 dia mas. Hues Comisario tin cu atende esaki si ainda segun vocero di Ministerio Publico di Corsouw, Guillano Schoop a informa.

Diahuebs Jamaloodin a cumpli un siman sera, riba sospecho di ta un di e intelectualnan responsabel pa morto di politico Helmin Wiels. E ta sospechoso den e caso “Maximus”. Dos Santos mientrastanto a cay sera diamars ultimo riba e mesun cargo. Y NoticiaCla tin informacion cu tin mas persona cu tin cu cay sera ainda prome cu siman bolter. Mes momento tur wowo lo ta riba Corsou entrante dialuna awor 4 di augustus ora cu e caso di asesinato di Helmin Wiels cuminsa. A reserva por lo menos 5 dia pa e caso aki y ta wordo transmiti via un link di internet.