“Cars and Cash” tin un auto mas pa regala

ORANJESTAD -  Ora bo pasa dilanti di Stern bo ta wak e auto nobo nobo cu “Cars and Cash”, e wega di Raspa Y Gana, ta regala. Esaki ta e premio mayo di “Cars and Cash”, paso bo por gana premionan cash y instantaneo tambe. Na comienso di aña pasa a regala e prome auto, y kisas awo, na comienso di un otro aña nobo, abo por gana e di dos y ultimo, auto nobo nobo. Con pa gana e Chevrolet Trax LT ta door di cumpra, y raspa, bo ticket di “Cars and Cash”, na balor di 5 florin pa cada ticket. E wega “Cars and Cash” ta obtenibel na cualkier rebendo di weganan di Raspa Y Gana, of caminda cu e logo di Raspa Y Gana ta visibel. Cu e wega aki bo por gana premionan cash tambe. Purba bo suerte awe mes y asina gana sea premio cash of e premio mayo, cual ta e auto nobo nobo, cu solamente 5 florin pa cada ticket.

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.