De Meza ta indica cu reunionnan na Houston a bay super

HOUSTON, TEXAS – Mientras cu e mandatario lo ta na caminda bek pa Aruba, el a duna indicacion cu reunion cu CITGO a bay den bon ambiente y cu tin bon noticia. Riba su pagina di Facebook e mandatario no por a sconde su alegria y a mustra cu e reunion a bay ‘super bon’. Y cu ta un ‘bon dia pa Aruba’. Kico esaki kiermen exactamente no ta conoci, pero e informacion ta cu cos lo ta canando bon y cu pronto tin bon noticia.

BIAHE PA HOUSTON

E mandatario a biaha e siman aki pa Houston, unda cu e mester a topa cu e hefe grandi di CITGO, sr. Martinez pa continua e trayecto di reunion en preparacion pa e acuerdo final cu tin cu bin pa fin di maart proximo. Mes momento a compronde cu e mandatario lo mester a reuni tambe cu e gerencia di REPSOL, tambe na Houston. No por a deduci for di su mensahenan, si ta e reunion di REPSOL of di CITGO a bay bon. E mensahe cu e mandatario a pone tabata esaki: “Yes yes yes, what a great day for Aruba! When you have faith in God, follow His guidance and work as hard as you can, you can surely make your dreams come true! We are really moving forward with great steps! Meetings went SUPER good today and I am so happy for Aruba! Feeling really proud! YES!!!”