Tres persona a gana e premio record di 1.5 biyon dollar di Powerball

MIAMI – E premio gordo di 1.5 biyon dollar di Powerball, esun mas grandi den historia, lo wordo parti den tres. Finalmente tur ganador a keda presenta y ta confirma cu e ganadornan ta di California, Tennessee y Florida. E numbernan ganador tabata 08, 27, 34, 04 y 19, y e powerball tabata 10. E chens pa gana e jackpot tabata 1 den 292 miyon, y a compronde cu aki na Aruba tambe tin hendenan a cumpra, pero no ta conoci si nan tambe por a gana sikiera algo. Esnan cu a bende e carchinan ganador, ta ricibi un bonus di 1 miyon dollar como recompensa. E premio inicial tabata 40 miyon y despues di 19 sorteo consecuente sin ganador, esaki a aumenta te casi yega 2 biyon dollar.

REPARTI IGUAL

E premio lo wordo reparti igual den tres unda cu cada ganador por scoge den un pago mensual durante 30 aña of tuma un suma mas chikito den un solo tiro, di e premio di 929.9 miyon dollar. Anteriormente e record tabata 656 miyon dollar.