InselAir Aruba cu double cantidad di stul den prome mitar di 2016

ORANJESTAD – Cu e fin di satisface demanda creciendo den e segmento di charter den e region, InselAir Aruba lo duplica su capacidad den e prome mitar di 2016. E aerolinea mas grandi di Aruba lo opera un schedule di 'low season' cu frecuencia nan ahusta riba algun ruta, entre 15 di januari pa 15 di juni 2016.

'LOW SEASON' SCHEDULE

E impacto di e crecemento a conduci na cambio di frecuencia riba e siguiente ruta. Aruba—Miami. Riba dianan ocupa, lo cambia e operacion cu buelonan charter riba dianan ocupa den 'low season'. Aruba-Georgetown lo wordo bula 4 biaha pa siman ('high season' 6 biaha), Manaus lo bula 3x pa siman ('high season' 5). Aruba—Paramaribo lo wordo bula 7 biaha pa siman, ('high season' 8 biaha). Medellin lo keda 4 biaha pa siman entrante 20 di maart (mescos cu 'high season').

BIAHA VIA HUB

Banda di e coneccion directo di Aruba pa 11 destinacion den e region Pan Americano, pasaheronan tin e flexibilidad pa biaha via e hub di Curacao pa tur 25 destinacion, debi na e frecuencia di buelo entre e dos islanan.

E cambionan den frecuencia, lo crea e flexibilidad y asiento cu InselAir mester, pa aumenta capacidad necesario pa e buelonan charter entre Miami y Havana, Holguin, Santiago de Cuba, Santa Marta y Camaguey, tur na Cuba.

DOUBLE ASIENTO

Den e prome mitar aña, InselAir Aruba lo double su asientonan compara cu e mesun temporada halto di aña pasa. Debi na esaki, e crecemento di asiento di InselAir Aruba, e 'low season' lo refleha menos buelo directo for di Aruba y pues creando extra espacio pa crecemento via charter den nos region.