Alerta di tempo di METEO pa labadera for di Noord Oost

ORANJESTAD – Servicio meteorologico a manda un alerta di tempo, debi na labaderanan cu ta biniendo for di noord- oost. Pa loke ta e tempo, diamars anochi lo ta levemente nubla y seco. Pa diaranson esaki lo ta levemente te parcialmente nubla cu un awasero leve y breve. Temperatura maximo 30 grado Celsius y temperatura minimo 25 grado Celsius.

BIENTO:

For di direccion generalmente oost y modera te basta fuerte; forsa 3 te 5 (12 te 39 km/ora, 07 te 21 nudo)

SITUACION GENERAL:

Extension suak di un area di presion halto riba ocean Atlantico, ta produciendo un tempo generalmente seco. Sinembargo, un aumento leve di humedad den nivelnan mas abou di atmosfera, por produci un awasero pasahero riba e isla den proximo 24 ora. Mas aleu, spera un biento generalmente modera te basta fuerte. Biento lo aumenta un tiki den curso di fin di e siman aki.    

CONDICION DI LAMAN:

Olanan di laman lo ta di 4 te 6 pia di haltura den labadera. Temperatura di superficie di lama 26 grado celsius. Tene cautela riba laman, debi na labaderanan cu ta biniendo for di noord-oost. Registracion di temperatura (celsius) y awacero (mm) den ultimo 24 ora:

Airport max 31 / min 25 / 0.0

Hadicurari max 28 / min 25 / 0.0