Discurso integral recepcion aña nobo di Gobernador Refunjol

ORANJESTAD - Diabierna durante e recepcion di gobernador Fredis Refunjol na ocasion di e aña nobo, el a tene su discurso cu un biaha mas a hala hopi atencion den sala cerca esnan presente. Den fin di siman NoticiaCla.com a repasa algun punto cu a resalta e anochi ey. Aki ta sigui e discurso integral di gobernador Refunjol. (Lesa e discurso completo aki)

ALGUN PUNTO

“Libertad di expresion ta algo sagrado pero esaki no ta un ‘vrijbrief' pa lastima, lesiona, herida, ofende of pa kibra e otro.” Un Gobernador hopi directo y cu palabranan conciso, a mustra su puntonan durante su discurso diabierna anochi na ocasion di su recepcion di aña nobo. Gobernador Fredis Refunjol den su discurso entre otro, a manda un mensahe fuerte pa tanto e medionan di comunicacion, como esnan cu ta expresa nan mes riba rednan social.

ROL DI GOBERNADOR

Un tema durante e discurso di Gobernador di Aruba, Fredis Refunjol, tabata e rol di Gobernador cu manera e Gobernador mes a bisa diabierna, “a haya atencion necesario durante e aña cu a pasa.” Segun Gobernador, como instituto e tin tanto un tarea di Reino como tambe di pais como hefe di gobierno. “Den su instruccion, Raad van State di Reino a fiha cuadronan masha cla tocante desempeño di e funcion di Gobernador.”