Gold Rush ta regala hungado e suma di 10. 000 florin

ORANJESTAD - Khenrich L. a bay pa cumpra su ticket di Mini Mega cu Mega Plus y a dicidi pa cumpra 2 ticket di Gold Rush tambe, e wega tan gusta y mas grandi di famia di Raspa Y Gana, y a gana 20 florin. Na luga di tuma esaki como ganashi e la opta pa cumpra dos ticket mas di Gold Rush y asina aki e la raspa y gana e tremendo premio di 10.000 florin, cumpra na Margaritha Lottery.

E ganado a informa cu asina e caba su estudio na Universidad di Aruba e lo uza e premio pa bay su futuro estudio afo. Lotto ta felicita Khenrich cu su bunita premio di 10.000 florin y ta dese’e tur clase di exito cu su estudio!

Gold Rush ta costa 10 florin, y ta un wega di e famia di Raspa Y Gana, cu dos premio di 100 mil florin cada uno den e wega y un record total na premio cash di 1.260.000 florin.

Lotto, e loteria di Aruba tin 8 diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega y weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.