Aruba tin prins cu pancho y SMAC ta reacciona riba asunto di edad

ORANJESTAD – Aruba tin su monarchanan pa e proximo periodo di carnaval. Den Entertainment Center e concurso a tuma lugar diasabra anochi, cu a duna como ganadornan e proximo resultado:

RESULTADO

Prins & Pancho Infantil :

PRINS GULI (Genevan Maduro) Pancho PALABRA (Gionrick Navas)

Prins & Pancho Juvenil :

PRINS RASPA (Nielrick Navas) PANCHO TARJETA (David Lont)

Prins & Pancho di Aruba su Carnaval 62

PRINS HONEY (Randolph Ras) PANCHO BEE ( Luis Marshall) North Fantasy Carnival Group

PROBLEMA CU RESULTADO

A resulta cu tabatin problema/keho despues di e resultado mirando cu SMAC lo no a tene su mes na regla di participacion, cu a pone cu esnan cu a gana no tabatin e edad necesario of a pasa esaki. Ta trata aki di e prins Randolph “Randy” Ras, prins Honey, cu lo ta mas bieu cu e edad ta permiti pa participa. Ora cu el a gana, a bira conoci cu esaki lo no ta corecto.

REACCION DI SMAC

NoticiaCla.com a tuma contacto cu e presidente di SMAC, Randy Thiel riba e caso aki, cu a admiti cu enberdad e persona su edad tabatin problema cu ne. “Tabata falta di comunicacion despues cu board a acepta e pareha (di prins y pancho grandi), y lamentablemente net el a gana.” Pero a acepta toch pa e prins di 41 aña, participa siendo cu e limite ta te 30 aña. “Pa bienestar di prins cu pancho, cu semper nos tin problema pa haya participante, board a bay di acuerdo pa e participa. Pero lamentablemente tur e problema di MUSICA y yamamento di persconferentie, e cos a bay y no a bisa e otronan participantenan,” Thiel a sigui bisa. Lesa e regla di edad aki. 

TUR HENDE TABATA SA

E ta sigui bisa si, cu e ta sigur cu tur hende tabata sa prome cu e evento a tuma lugar. Pero manera semper, despues di e evento esnan cu no a gusta, a dicidi di bin cu e informacion aki segun Thiel. NOTA: Foto cortesia SMAC.