Aruba a bolbe celebra su propio “Fuikdag” na Surfside

ORANJESTAD – Aruba tambe tin su propio ‘Fuikdag’. Un biaha mas aficcionadonan di e deporte acuatico a organisa e di dos ‘Fuikdag’ na Surfside diadomingo, unda cu por a conta entre 130 pa 200 boto cu a presenta. Fuera di esey tabatin hopi interes di esnan cu a bin cu auto tambe, pa hunto pasa un diadomingo dushi estilo ‘fuikdag’. Ambiente tabata bon, hopi hende unda cu te hasta muchanan por a disfruta di un tipo di dino jump.

AREA NOBO DRECHA

Remarcabel ta con mas miho organisa tur cos tabata, awor cu e area a keda drecha y a drenta den operacion. Lugar pa parkeer tabata mas organisa y tambe e facilidadnan a brinda tur presente miho alternativa pa miho calidad di pasa bon.