Busnan nobo di Arubus a yega Aruba y wordo inspecciona

ORANJESTAD – E 6 busnan nobo 'Marcopolo' pa Arubus, a yega Aruba diasabra y mesora a inspeccionanan y sacanan for di waf. Prome cu esey, e mandatario di transporte Otmar Oduber a inspeccionanan. E busnan aki ta carga 53 pasahero y tin 45 lugar pa para aden. No ta conoci ki dia e busnan aki ta subi caminda oficialmente. Mientrastanto cu potretnan di NoticiaCla.com, por haya un bista di ora cu e busnan tabata riba caminda awe mainta rumbo pa Arubus. E otro potretnan ta di Ministerio di Transporte mes.

PROBLEMA CU BUS DEN 2015

Manera ta conoci Arubus no tin su miho momentonan, mirando cu tin varios bus cu a pasa den problema sea ta pa motibo tecnico, pero mas tabata pa motibonan di accidente cu sea e chauffeurnan a haya nan den dje of di otro motibo. Hecho ta cu den 2015, Arubus a sufri hopi na man di busnan defecto, cu debidamente a pone e compania den un spot fastioso. No obstante, esey a purba percura pa esaki no afecta e operacion di e compania.