Ultimo tributo pa Jarino Toppenberg na Fishermans hut

PALM BEACH - Famia, amigonan y conocirnan a rindi un tributo special pa Jarino Toppenberg, cu e siman aki a fayece den un accidente cu su waverunner. Durante un momento di placer cu algun amigo, algo a bay robez cu Jarino riba su waverunner, cu a resulta fatal pa e hoben aki. Manera ta conoci, ayera nochi tabatin momento pa condoleer na e cas mortuario Aurora Funeral home. Fila largo tabatin practicamente henter anochi di hende, cu kier a bin duna nan ultimo saludo na nan amigo. Despues e famia y amigonan kier a haci algo diferente y special pa Jarino. Nan a move pa Fishermans hut, unda cu nan a pone un potret di dje riba un planki di zeil, cende esaki na candela riba lama y laga e drief bay. Un forma pa mustra, cu Jarino tabata un homber di laman y cu esey ta e forma cu e lo kier a wordo corda. Prome tur esnan cu tabata kier a bisa algo, a haci esey sigui pa sacamento di potret banda di e plank cu e foto. A sigui pa cende e plank na candela y despues lag'e bay riba laman. Diasabra mainta tin e oportunidad pa bisa Jarino ayo, pa despues den un circulo familiar, e wordo crema. E potretnan ta cortesia di e famia. Disculpa pa e calidad di e potretnan.