Bloedbank y CMB a sera aliansa pa haya donante di sanger

ORANJESTAD – Den un intento pa logra haya mas donante di sanger, Bloed Bank a asocia cu Aruba Bankers Association y sera un acuerdo di cooperacion. Entretanto un di e miembronan di ABA, esta Caribbean Mercantile Bank, a lansa su mes diaranson oficialmente como partner pa e campaña. Un di e gerentenan di CMB, Marion Agunbero cu ta un senior compliance manager, a bay di acuerdo mesora, ya cu ta algo cu e mes a sostene pa 24 biaha como donante personal. Segun e representante di Bloedbank Aixa de Veer, nan ta contento cu e cooperacion aki. “Nos ta spera minimal 25 persona pa banco bira donante di sanger” de Veer a bisa NoticiaCla. Mes momento e ta spera cu e no ta keda na e trahadonan di banco so, sino tambe e clientenan di banco. Tur hende cu drenta e banco, por registra y bira un donante. Na cada banco, lo tin un stand di Bloedbank cu formulario chikito pa yena y asina registra como un donante di sanger.