SETAR a introduci su T-shirt di Carnaval den Den Dje

ORANJESTAD -  Durante e popular programa di Telearuba DEN DJE, Shahaira Labad hefe di Mercadeo di SETAR a haci entrega di SETAR su flanel di Carnaval na Representante di SMAC, Sr.Joelly Croes y na e popular presentador di Den Dje y DJ di radio Sr. Ivo Yanez. E programa a tuma lugar na Trash by Ronchi e biaha aki. E famoso t-shirtnan aki ta obtenibel pa un prijs hopi atractivo Afl. 7.50 na tur Teleshop di SETAR desde awe dia 8 di januari 2016.

"E color e aña aki ta blou berde, color di nos lama, inspira cu elementonan cu ta referi na nos herencia Caribense. E cuadra brasando e diseño ta nifica union di nos cultura, rasa, herencia y nos historia. E letra moderno cu Carnaval ta scirbi cu ne ta representa e cambionan inovativo den Telecomunicacion. E colornan riba e diseño di e t-shirt di SETAR pa Carnaval, ta den e colornan cu ta domina den Carnaval, na unda SETAR su Cobertura, Conexion, Contacto y Alcanse ta haci posibel cu tur hende ta bin hunto manera un "melting pot" grandi di musica, baile, cultura, creatividad y letra," asina Clem van Heyningen di e departamento di Mercadeo, di SETAR a splica. Esakinan ta elementonan cu exactamente SETAR ta para p'e: Creando Conexion.