Incertidumbre cu permiso a stroba MUSICA organisa festival

SAN NICOLAS - Un presidente di MUSICA basta indigna, a purba refuta tur acusacion cu e fundacion SMAC a trece dilanti. Entre nan, pakico a tarda asina hopi pa duna un contesta si ta organisa e evento. Segun e presidente Clyde Burke, problema cu permiso y e incertidumbre di esaki tabata un di e motibonan cu nan no por a organisa e festival. Ta bin acerca cu e incertidumbre a pone, cu sponsornan no tabatin e confiansa mas pa bay aden cu MUSICA y sostene nan financieramente. Si un aña pasa MUSICA por a cuminsa e evento sin un debchi, esey tabata basa riba e confiansa y bon nomber cu MUSICA tabatin."Pero mirando cu no tin un protocol, tin hopi incertidumbre, e sponsornan no tabata comfortabel pa deposita placa den e evento," Burke a bisa NoticiaCla.com. Burke a confirma cu nan tin sosten di por lo menos 10 banda cu a acudi na nan ultimo reunion. Esey no kiermen cu tin menos banda cu ta sostene e fundacion aki.