Mas di 170 mata di marihuana saca fo'i mercado

ORANJESTAD - Diaranson ultimo Polisnan di Santa Cruz a detene un trio envolvi den plantacion y/of benta di droga. E detencion a sosode na Cashero # 52 na Santa Cruz. Ey Polis a haci un "huiszoeking" cu permiso di e doño di cas, cu ta un di e sospechosonan, y eyden a topa un cura cu plantacion di marihuana, a haya acesorionan y a haya saconan di plastic cu Marihuana den dje paketa, dunando indicacion cu ta un negoshi di droga esaki ta. E sospechosonan ta e hombernan SRF naci na Aruba dia 5-10-1980, e homber HSA naci na Aruba dia 29-8-1979 y ARD naci na Surnam dia 9-11-1956. A detene nan tur tres relaciona cu e delito di posesion y benta di droga. Na tur a topa cu 170 mata di marihuana. Despues di un investigacion y interogacion di tur tres sospechoso, a dicidi di duna 2 di nan un multa y e sospechoso SRF a keda encarcela.