Hilton Aruba ta sponsor calender di parha 2016

ORANJESTAD - Hilton Aruba Caribbean Resort & Casino ta e sponsor nobo, di e calender 2016 pa e fundacion ‘Aruba Birdlife Conservation’. Greg y Albert Peterson cu ta representa e fundacion, a ricibi e prome ehemplarnan di e calender di parha 2016, for di man di e Gerente General sr. Olivier Maumaire. E calendernan ta di calidad halto y a wordo geprint na Miami. Nan ta na caminda pa Aruba y pronto lo ta disponibel pa tur amante di naturalesa na Aruba.

CONTENTO CU CALENDAR

Peterson ta hopi contento cu e sponsor nobo y e calidad di e calendernan. Segun Peterson, ta un placer pa mira Hilton Aruba Caribbean asumi nan posicion di duna sosten, pa conscientisacion y conservacion di e naturalesa di Aruba.

POTRET

Riba e potret di drechi pa robes por mira: Sr. Jaap van Dam (Director di Operations), Sr. Albert Peterson (di Aruba Birdlife Conservation), Sr. Frances Archilla (Director di F&B), Sr. Olivier Maumaira (General Manager) y Sr. Greg Peterson (di Aruba Birdlife Conservation).